EO halqy bir jyldyń ishinde qonys aýdarýshylar esebinen 1,5 mln adamǵa ósti
BRıÝSSELЬ. QazAqparat - Eýropalyq odaqtyń halqy qonys aýdarýshylar arqasynda bir jyldyń ishinde 1,5 mln adamǵa ósti. Mundaı derekti Eýrostat eýropalyq statıstıkalyq qyzmeti dúısenbi kúni keltirdi, dep habarlaıdy «QazAqparat» HAA tilshisi.
«2017 jyldyń 1 qyrkúıegindegi jaǵdaı boıynsha Eýroodaqtaǵy halyq sany 511,8 mln adam bolǵan, bul kórsetkish 2016 jyldyń 1 qańtarynda 510,3 mıllıondy quraǵan», - dep habarlady Eýrostat.
EO elderiniń ishinde Germanııa halyq kóp qonystanǵan el boldy - 82,8 mln turǵyn (nemese 2017 jyldyń 1 qańtaryndaǵy EO jalpy halqynyń 16,2%-i). Odan keıin turǵyndary sany boıynsha Frantsııa (67 mln nemese 13,1%), Ulybrıtanııa (65,8 mln nemese 12,9%), Italııa (60,6 mln nemese 11,8%), Ispanııa (46,5 mln nemese 9,1%) jáne Polsha (38,0 mln nemese 7,4%) tur.
2016 jyldyń ishinde turǵyndar sany EO-ǵa múshe 18 elde artyp, on memlekette azaıǵan. Halyqtyń kóbeıýi Lıýksembýrgte (1 myń turǵynǵa + 19,8%), Shvetsııada (+14,5%), Maltada (+13,8%), Irlandııada (+10,6%) jáne Aýstrııada (9,5%) baıqalǵan. Kerisinshe, halyq sanynyń azaıýy Lıtvada (-14,2%), Latvııada (-9,6%), Horvatııada (-8,7%), Bolgarııada (-7,3%) jáne Rýmynııada (-6,2%) sezildi.
