EO Grekııada mıgranttar lagerlerin salýǵa 276 mıllıon eýro bóledi
NUR-SULTAN. QazAqparat – Eýropa odaǵy grek araldaryndaǵy mıgranttarǵa arnalǵan bes lagerdi salýǵa jáne jóndeýge 276 mıllıon eýro bóledi. Bul týraly Іshki ister jónindegi eýrokomıssar Ilva Iohansson málim etti, ol dúısenbide Samos pen Lesbos araldaryna barady, dep habarlaıdy QazAqparat Agence France-Presse-ke silteme jasap.
Agenttiktiń habarlaýynsha, ol Túrkııany Grekııadan pana taba almaǵan mıgranttardy shuǵyl qabyldaýǵa shaqyrdy.
Dúısenbi kúni Eýropalyq keńes basshysynyń ókili Barend Leıts Sharl Mıshel men Eýrokomıssııanyń basshysy Ýrsýla fon der Lıaıen 6 sáýirde Túrkııaǵa baryp, prezıdent Rejep Taıyp Erdoǵanmen kelissózder júrgizedi dep málimdedi. Kelissózderdiń naqty ne týraly bolatyny áli habarlanǵan joq.
Grekııa úkimetiniń málimetteri boıynsha, 2020 jyl ishinde Grekııa araldaryndaǵy kóshi-qon aǵyny 87%-ǵa, Túrkııamen shekaralas Evros oblysynda 62%-ǵa azaıdy.
