EO: Germanııanyń azamattyq avıatsııasynda olqylyqtar oryn alǵan
ASTANA. QazAqparat - Belgili bolǵandaı, Eýropanyń avıatsııalyq qaýipsizdik agenttigi birazdan beri Germanııanyń azamattyq avıatsııa basqarmasynyń jumys deńgeıine alańdatýshylyq bildirgen.
Agenttiktiń ókili uıymnyń GFR-nyń avıatsııalyq bılik kózderine olardyń ushý qaýipsizdigi erejelerin saqtamaýyna qatysty birneshe ret eskertý jasaǵany týraly habarlady.
Germanııanyń azamattyq avıatsııa basqarmasy ótken jyldyń qarasha aıynda Eýropanyń avıatsııalyq qaýipsizdik agenttiginen birqatar kemshilikterdi joıý nusqaý alǵan, onyń ishinde ushaqtar men olardyń ekıpajdarynyń qajetti tekseristerin ótkizetin qyzmetkerlerdiń jetispeýi sııaqty olqylyqtar bolǵan.
Buǵan deıin Frantsııanyń bılik kózderi ishinde 150 adam bolǵan nemistiń Germanwings kompanııasynyń ushaǵynyń apaty saldarynan qaza tapqan adamdardy izdeý jumystary aıaqtalǵanyn habarlady.
Esterińizge sala keteıik, Ispanııadan Germanııaǵa ushqan A320 jolaýshylar ushaǵy 24 naýryzda frantsııalyq Alpi taýlarynda qulady. Onda bolǵan barlyq jolaýshylar men ekıpaj músheleri qaza tapty.
