EO-ǵa múshe elderdegi jumyssyzdar sany 26,3 mln. adamǵa jetti
ASTANA. 3 sáýir. QazAqparat - Eýropa Odaǵynyń eýrony qoldanatyn 17 elindegi jumyssyzdyq deńgeıi rekordtyq kórsetkishke - 12 paıyzǵa jetti.
EO-nyń statıstıkalyq qyzmeti - Eýrostattyń seısenbide taratqan málimeti boıynsha, 17 memlekette qańtar aıyndaǵy jumyssyzdyq deńgeıi 11,9 paıyzdy quraǵan. Al aqpanda jumyssyzdar sany 33 myń adamǵa kóbeıip, kórsetkish 12 paıyzǵa jetken. 17 eldegi jumyssyzdardyń jalpy sany 19 mıllıon adamdy quraıdy.
EO-nyń keıbir jekelegen elderinde jumyssyzdyq deńgeıi tym joǵary. Mysaly, Grekııa men Ispanııada kórsetkish 26 paıyzǵa jetken. Biraq ekonomıkasy qýatty Germanııada bul kórsetkish eń tómengi deńgeıde - 5,4 paıyz.
Al EO-ǵa múshe 27 eldegi jumyssyzdar sany aqpanda 76 myńǵa kóbeıip, jumyssyzdyq deńgeıi 10,9 paıyzdy quraǵan. Sońǵy derek boıynsha, odaqtaǵy 27 memlekettegi jumyssyzdar sany - 26,3 mıllıon adam, dep habarlaıdy «Azattyq».
