EO-ǵa múshe 20 el Eýropalyq prokýratýra qurýdy qoldady
ASTANA. QazAqparat - Eýroodaqta Eýropalyq prokýratýra qurylmaq. Oǵan odaqqa múshe 20 memleket múshe bolǵaly otyr, dep habarlaıdy Habar 24 telearnasy.
Jańa qadaǵalaýshy organ atalǵan elderdegi qarjylyq zańbuzýshylyqtarǵa qatysty tergeý júrgizip, aıyp taǵýǵa qaýqarly bolady. Al prokýrorlar qajetti málimetterdi alaıaqtyqqa qarsy kúresetin Eýropalyq bıýrodan ala alady.
Sondaı-aq jańa agenttik qosymsha qun salyǵyna qatysty da zańbuzýshylyqtardy anyqtaıdy. Keıinirek lańkestikke qarsy tergeýler de júrgizýi múmkin.
«Jalpy odaqta jymqyrylǵan qarajat pen sybaılas jemqorlyq máselesi órship tur. Mundaı qylmyspen kúresý úshin arnaıy jospar qurdyq. Búginginiń qylmyskerleri tsıfrlyq tehnologııany meńgergen, sondyqtan biz de prokýrorlarymyzǵa tsıfrlyq bilim berýimiz qajet. Bul uıym ishinde de, halyqaralyq quqyq qorǵaý organdarymen de ózara seriktestik ornatyp, birge jumys isteý júıesi bolmaq», - deıdi EO ádilet jónindegi komıssary Vera Jýrova.
