EO-ǵa baratyn qazaqstandyqtarǵa vızalyq rejımdi jeńildetý máselesi qarastyryldy
Taraptar EO-ǵa baratyn Qazaqstan azamattary úshin vızalyq rejımdi jeńildetý máselesin qarastyrdy. Elimiz ben EO arasyndaǵy Keńeıtilgen áriptestik pen yntymaqtastyq týraly kelisimdi tolyq iske asyrýǵa ýaǵdalasty.
Sondaı-aq, taraptar Ýkraınadaǵy qaqtyǵys pen Aýǵanstandaǵy jaǵdaı boıynsha pikir almasty. Eki el arasyndaǵy ekonomıkalyq damý perspektıvalary da talqylandy.
Búgingi tańda Qazaqstanda 170-ten astam frantsýzdyq kompanııa jumys isteıdi. Keıingi 16 jylda Frantsııadan elimizge baǵyttalǵan tikeleı ınvestıtsııa kólemi 17 mlrd dollarǵa jetken.
Frantsııanyń Syrtqy ister mınıstrligi Kontınentaldy Eýropa departamentiniń dırektory Frederık Mondolonı elimiz Orta Azııadaǵy negizgi jáne senimdi seriktesi ekenin atap ótti. Sonymen qatar, ol yntymaqtastyqty odan ári nyǵaıtý úshin eki memleket basshylarynyń kezdesýi uıymdastyrylatynyn jetkizdi.
Jıynǵa qatysqan QR Syrtqy ister mınıstriniń orynbasary Roman Vasılenko bolsa elimizde ótken referendým nátıjelerine toqtaldy.
«5 maýsymda ótken referendým – bul reformalarymyzdyń bastapqy kezeńi. Eldi jahandyq jańǵyrtý jalǵasady. Júrgizilip jatqan tereń ınstıtýtsıonaldyq ózgerister qazaq halqynyń armanyna saı keledi», - dedi ol.
