EO elshisi Qazaqstandaǵy strategııalyq mańyzdy shıkizat zerthanasy týraly aıtty
ASTANA. KAZINFORM — Prezıdent Qasym-Jomart Toqaev Brıýsselge sapary barysynda Qazaqstanda jumys isteýge qyzyǵýshylyq tanytyp otyrǵan eýropalyq bıznes ókilderimen nátıjeli kezdesýler ótkizdi. Bul týraly Qazaqstan Respýblıkasyndaǵy Eýropalyq odaq elshisi Aleshka Sımkıch jýrnalıstermen kezdesýde málim etti.
Onyń aıtýynsha, kezdesýge negizinen bıznes-forým men dóńgelek ústelge Qazaqstanda jumys istep júrgen nemese elimizben áriptestik týraly kelisimderge qol qoıǵan kompanııalardyń ókilderi qatysty.
— Basqa kelisimderdiń ishinde men úshin erekshe mańyzdysy — strategııalyq mańyzdy shıkizat jónindegi zerthanany qurý týraly kelisim. Bul bastamany Prezıdent Qasym-Jomart Toqaev Samarqandta ótken sammıtte kótergen bolatyn. Onyń maqsaty — strategııalyq mańyzdy shıkizatty tek óndirip, eksporttaý emes, ony Qazaqstannyń ózinde jan-jaqty zerttep, taldaý júrgizýge múmkindik jasaý, — dedi elshi.
Aleshka Sımkıchtiń aıtýynsha, Brıýsselde osy joba aıasynda Eýropalyq qaıta qurý jáne damý banki men frantsýzdyq Bureau Veritas kompanııasymen kelisimge qol qoıyldy.
— Bul kompanııa zerthanany salýdyń tehnıkalyq-ekonomıkalyq negizdemesin ázirleıdi. ıAǵnı zerthananyń qaı jerde jáne qandaı formatta salynatynyn aıqyndap, qurylys bastalǵanǵa deıin oryndalýy tıis barlyq daıyndyq jumystaryn zerdeleıdi, — dep tolyqtyrdy ol.
Aleshka Sımkıch kezdesý barysynda, Brıýsselde ótken kelissózder barysynda ekonomıkalyq yntymaqtastyqqa qatysty birqatar mańyzdy kelisimge qol qoıyldy. Olardyń ishindegi eń aýqymdysy — Airbus kompanııasymen 50-ge deıin ushaq satyp alý týraly kelisim. Sonymen qatar Eýropalyq ınvestıtsııalyq bankpen avtomobıl joldaryn jańǵyrtýǵa 150 mln eýro kóleminde nesıe berý týraly kelisim jasaldy. Elshiniń sózinshe, bul qarjy Transkaspıı halyqaralyq kólik dálizin damytýǵa baǵyttalady. Joba aıasynda Qazaqstannyń ońtústik-batysyndaǵy, Ortalyq Azııa elderin Transkaspıı baǵytymen baılanystyratyn negizgi jol ýchaskelerin jańǵyrtý kózdelgenin atap ótti.
Buǵan deıin EO elshisi vızalyq rásimderdi jeńildetý týraly kelisimniń qashan kúshine enetinin aıtqan edi.
