EO elderiniń ekonomıkalyq jáne qarjy saıasatynyń tyǵyz úılesýi daǵdaryspen nátıjeli kúresýge jol beredi - eýropalyqtardyń 75 paıyzynyń pikiri
BRıÝSSELЬ. Tamyzdyń 27-si. QazAqparat /Dımash Syzdyqov/ - Eýropalyqtardyń 75 paıyzy Eýropalyq Odaq elderiniń ekonomıkalyq jáne qarjy saıasatynyń tyǵyz úılesýi daǵdaryspen nátıjeli kúresýge jol beredi degen pikirdi ustanady.
Mundaı pikirler Eýropalyq komıssııanyń «Eýrobarometr» ortalyǵynyń beısenbi, tamyzdyń 26-sy kúni jaryqqa shyqqan áleýmettik zertteýinde kórinis tapty, dep habarlaıdy Eýropalyq komıssııanyń baspasóz qyzmeti.
Olardyń kópshiligi (72 paıyzy) Eýropalyq odaq tarapynan mańyzdy halyqaralyq qarjy toptarynyń qyzmetine qoıylatyn talapty qatań baqylaýǵa alý kerek degen pikirdi qoldaıdy. Sonymen qatar eýropalyqtardyń 40 paıyzy daǵdarys kezindegi basty másele ekonomıkalyq jaǵdaı dep sanaıdy, 48 paıyzy jumyssyzdyq dese, 20 paıyzy baǵanyń ósýi men ınflıatsııa dep biledi.
Eýropalyqtardyń kóp bóligi qazirgi tańda Eýropalyq odaqtyń aldynda turǵan mindetter qandaı ekenin biledi. Saýalnamaǵa qatysqandardyń 74 paıyzy olardyń elderine reforma qajet degenmen kelisedi, al halyqtyń 71 paıyzy bul reformalar bolashaq urpaqtyń múddelerine saı júrgizilýi kerek dep sanaıdy. Eýropalyqtar ekonomıkany qandaı jolmen qalpyna keltirse jaqsy bolady degenge naqty jaýap bere almaıdy, alaıda, jaýap bergenderdiń 74 paıyzy bıýdjet tapshylyǵy men kásiporyndardyń qaryz mólsherin tómendetý boıynsha qoldanylatyn sharalar kezek kútpeıtindigine senedi.
«Eýrobarometrdiń» zertteýine 27 Eýropalyq odaq elderiniń 26 myńǵa tarta turǵyny qatysqan.
