EO elderine barýǵa qoıylǵan shekteý shildeniń basynda ishinara alynýy múmkin
BRıÝSSELЬ. QazAqparat - Shildeniń basynda «úshinshi álem elderiniń» azamattaryna EO elderine barýǵa qoıylǵan shekteý jartylaı alynýy múmkin. Bul týraly Eýropalyq dıplomatııa basshysy Jozep Borrel baspasóz konferentsııasy kezinde málimdedi, dep habarlaıdy QazAqparattyń menshikti tilshisi.
«Eýropalyq komıssııa osy aptada Eýroodaq elderine «birqatar qaǵıdattar men krıterıılerdi» eskere otyryp, úshinshi elderdiń azamattaryna EO-ǵa kelýine qoıylǵan keıbir shekteýlerdi birtindep jáne ishinara alyp tastaýdy usynady»,- dep habarlady Borrel.
EO elderiniń kópshiligi ótken jumada koronavırýs pandemııasyna baılanysty syrtqy shekara bloktaryndaǵy shekteýlerdi kem degende 1 shildege deıin uzartýdy usyndy.
EO men Shengen aımaǵyna keıbir saparlarǵa naýryz aıynyń ortasynan bastap tyıym salynǵan. Jeke sanattarǵa, sonyń ishinde EO azamattary men olardyń otbasy múshelerine, uzaq merzim turýǵa quqyǵy bar tulǵalarǵa, otbasy jaǵdaıyna baılanysty saıahattaıtyn adamdarǵa, dıplomattarǵa, koronavırýske qarsy kúresýge kómektesetin medıtsına qyzmetkerlerine jáne ǵalymdardyń jaǵdaıy eskeriledi.
