EO elderindegi «Gazprom» keńselerinde tintý júrdi
ASTANA. 28 qyrkúıek. QazAqparat - Eýrokomıssııa ókilderi seısenbi kúni Ortalyq jáne Shyǵys Eýropa elderindegi «Gazprom» keńseleri men eýropalyq energokompanııa ókildikteriniń birqatarynda aldyn ala habarlanbaǵan tekseris júrgizdi, dep habarlaıdy ITAR-TASS.
Germanııalyq BAQ málimetteri boıynsha, tekseris «tabıǵı gazdy tasymaldaýmen, jetkizýmen jáne saqtaýmen aınalysatyn kompanııalardy» da aınalyp ótpedi. Tintý jumystary reseılik gaz monopolısi - «Gazprom Germanııa» men «Vemekstiń» berlındik jáne chehııalyq enshiles kompanııalarynda júrdi.
Kompanııalar «naryqty bólisý, jelige kirý úshin tosqaýyl jasaý jáne jetkizýshilerdi ártaraptandyrý, sondaı-aq baǵany sharyqtatý syndy básekelestikke qarsy áreketter» boıynsha kúdiktenýde.
Alaıda tekseris júrgizý olardyń aıyby dáleldendi degen sóz emes.
