EO elderi vaktsınatsııany jedeldetý úshin bárin jasaýy kerek - Eýrokomısııa basshysy

BRıÝSSELЬ. QazAqparat - Senbi kúni Eýropalyq Komıssııanyń tóraǵasy Ýrsýla fon der Leıen Eýroodaq vaktsınalarmen qamtamasyz etýde sımvolıkalyq mejege jetti degen málimdeme jasady. Odaqtyń eresek turǵyndarynyń 70% vaktsınalarmen qamtamasyz etilgen, dep habarlaıdy «QazAqparat» HAA menshikti tilshisi.

«Búgin mende eýropalyq azamattarǵa jaǵymdy jańalyq bar. Eýropalyq odaq óz sózinde turdy. Osy demalys kúnderi biz EO-ǵa múshe barlyq elderge osy aıda Odaqtyń eresek turǵyndarynyń kem degende 70% -yn tolyqtaı vaktsınatsııalaý úshin jetkilikti vaktsınalar jetkizdik «, - dedi Ý.Leıen. 11 shildege deıin Eýropalyq odaqtyń aımaqtaryna 500 mıllıon doza vaktsına taratylady.

Eýropalyq komıssııa basshysynyń aıtýynsha, EO vaktsınatsııa kampanııasy 2021 jyldyń basynan bastap edáýir jedeldedi.

«Bizdiń birlesken tásilimiz sátti boldy. Biz bul daǵdarystan tek birge shyǵamyz. COVID-19 áli báseńdegen joq, biraq biz kóptegen, onyń ishinde koronavırýstyń jańa shtamdaryna qarsy da vaktsınalardy jetkizýge daıynbyz», - dedi V.Leıen.

«Endi múshe memleketter vaktsınatsııa sanyn kóbeıtý úshin bárin jasaýy kerek. Sonda ǵana biz qaýipsiz bolamyz», - dep atap ótti Eýropalyq komıssııanyń basshysy.