EO elderi reseılikter úshin vızalyq rejımdi qatańdatyp jatyr

BRıÝSSELЬ. QazAqparat – Eýropalyq Odaqtyń Syrtqy ister mınıstrleri Máskeýmen vızalyq kelisimdi toqtata turýǵa kelisti, bul Reseı azamattarynyń eýroaımaqqa kirýin qıyndatady, dep habarlaıdy QazAqparat tilshisi BBC News-ke silteme jasap.

EO syrtqy saıasat bóliminiń basshysy Jozep Borrel Reseı azamattarynyń shekaradan ótý sanynyń edáýir artýy kelisimdi toqtata turýdy qajet etkenin aıtty.

Bul kórshi Eýropa memleketteri úshin qaýipti dep baǵalanyp otyr. Sonymen qatar, EO dıplomatııasynyń basshysy kóptegen reseılikter Ýkraınada shıelenis bolmaǵandaı demalýǵa jáne saýda jasaýǵa kelip jatqanyn atap ótti.

Reseımen shekaralas bes EO eli - Fınlıandııa, Estonııa, Latvııa, Lıtva jáne Polsha – reseılikterdiń óz elderine kirýine ýaqytsha tyıym salatynyn nemese shekteýler engizetinin málimdedi.

Foto: reuters.com