EO elderi ózderiniń Belarýstaǵy Elshilerin qaıtaryp jatyr
BRıÝSSELЬ. 29 aqpan. QazAqparat - Eýroodaqqa qatysýshy elder Mınskiniń óziniń EO-daǵy turaqty ókili men Polshadaǵy elshisin qaıtaryp alýyna jaýap retinde ózderiniń Belarýstegi elshilerin qaıtaryp alýǵa ýaǵdalasty.
Bul týraly búgin EO-nyń sheteldik ister jáne qaýipsizdik saıasaty boıynsha joǵarǵy ókili Ketrın Eshton málimdedi.
«Búgin men Brıýsselde bizdiń jaýap retindegi áreketterimizdi úılestirý úshin EO-ǵa múshe elderdiń elshilerin keńeske shaqyrdym. Yntymaqtastyq pen birlik retinde EO-ǵa múshe elderdiń Mınskidegi barlyq elshileri keńesý úshin ulttyq astanalaryna qaıtarylatyny sheshildi», - dep atap ótilgen eýropalyq syrtqy saıası qyzmet basshysynyń málimdemesinde.
Budan basqa, K.Eshton EO-nyń barlyq múshe memleketteri belorýs elshilerin ózderiniń Syrtqy ister mınıstrlikterine shaqyrtyp alyp, onda Eýroodaqtyń bul másele boıynsha ustanymy túsindiriletinin atap ótti. Bul rette Brıýssel jaǵdaıdyń qalaı damıtynyn muqııat qadaǵalaýyn jalǵastyrady.
Atap ótý kerek, Eýroodaqtyń jańa sanktsııalaryna jaýap retinde aǵymdaǵy jyldyń 28 aqpanynda Belarýs EO-daǵy turaqty ókili men Polshadaǵy elshisin shaqyrtyp aldy. Budan basqa, EO-nyń Belarýstegi ókildiginiń basshysy men Polsha elshisine qysym kórsetý jáne sanktsııalardyń abyroı bermeıtini týraly basshylaryna belorýstyń berik ustanymyn jetkizip, ózderiniń astanalaryna keńesý úshin barý usynylǵan.
