EO elderi mıgranttardyń aǵynyn shekteý múmkindigin qarastyrýda
BRıÝSSELЬ. QazAqparat - Rım men Parıj arasyndaǵy jaqynda bolǵan kelispeýshilikterden keıin Eýroodaq ishki ister mınıstrleri Eýropalyq komıssııanyń kontınentke bet alǵan mıgranttar aǵynyn azaıtý jónindegi usynystaryn talqylaý úshin jınalyp jatyr, dep habarlaıdy QazAQparat Euronews-ke silteme jasap.
Іs-sharalar jospary múshe memleketterdi maýsym aıynda birqatar eýropalyq eldermen kelisilgen qonys aýdarý baǵdarlamasyn jedeldetýge shaqyrady. Qujatta Soltústik Afrıka elderin qarjylandyrýǵa 600 mıllıon eýro bólý de qarastyrylǵan.
Úkimettik emes uıymdar kemeleriniń róli eń daýly másele bolyp qala beredi. Elder tirkelgen ÚEU kemeleri men olardyń qyzmeti jáne olar qutqaratyn mıgranttar úshin jaýapkershilikti óz moınyna alýy kerek pe? Italııa, Kıpr jáne Malta bul kemeler týy jelbiregen memleketter qandaı da bir ról atqarýy kerek dep talap etedi.«Italııa úkimeti zańnamada esh jerde jazylmaǵan erejelerge silteme jasaıdy. Osylaısha, zań belgili bir memlekettiń týy bar keme mıgranttarǵa qamqorlyq jasaýdy jáne osy kemelerdiń qatysýymen teńizde tótenshe jaǵdaılar týyndaǵan jaǵdaıda mindetti túrde aralasýdy talap etpeıdi.
Biz zańdy 100% saqtaımyz dep talap etemiz. Biz zańǵa sáıkes jasaýymyz kerek nárseniń bárin jasaımyz. Óz mindettemelerin oryndamaıtyndar - EO-ǵa múshe memleketter. Olar qutqarý jumystaryn úılestirmeıdi jáne qaýipsiz bolý úshin avtomatty túrde oryn taǵaıyndamaıdy.
Sondyqtan bizge jańashyldyq qajet emes, tek halyqaralyq konventsııaǵa qol qoıǵan múshe memleketter nemese elder óz mindettemelerin oryndaýy kerek»,-dep atap ótti «Poısk ı spasenıe» «Vracheı bez granıts» mıssııasynyń basshysy Hýan Matıas Hıl.
Foto: euronews.com
