EO elderi koronavırýspen kúres sharalaryn kúsheıtip jatyr
Epıdemıologııalyq ahýaldyń nasharlaýyna baılanysty Aýstrııa úkimeti endi el turǵyndaryna bar-meıramhanaǵa, túngi klýb, sport ortalyǵy, mádenı mekemelerge jáne shashtarazǵa barý úshin tolyq vaktsına alǵanyn nemese buryn koronavırýspen aýyryp jazylǵanyn rastaıtyn qujatty kórsetý qajet dep málimdedi.
Buǵan deıin Aýstrııada 11 myńnan astam koronavırýs juqtyrǵan adam tirkelgen.
Germanııada Berlın senaty jazǵy terrassasy joq kafe men meıramhana, shashtaraz ben kınoteatrǵa 18 jastan asqan vaktsınalanbaǵan adamdar kirmeıdi, dep málim etti. Infektsııany juqtyrǵandardyń kóbeıýine baılanysty osyndaı sheshim qabyldandy. Sársenbide Germanııada pandemııa bastalǵannan beri aýrýǵa shaldyqqandar sany eń kóp tirkeldi, sonymen qatar aýrýhanalada, ásirese el astanasynda jaǵdaı nasharlap ketken.
Sársenbide koronavırýs juqtyrýǵa qatysty 12 700 jańa jaǵdaı tirkelgen Nıderlandta qatań shekteý sharalary qarastyrylýy múmkin. Óıtkeni epıdemıolog sarapshylar toby úkimetke eki aptaǵa qysqa merzimdi oqshaýlaý rejımin jarııalaýdy usyndy. Bul shara osy ýaqyt aralyǵynda kınoteatr, teatrlardy jabýdy, sondaı-aq basqa da buqaralyq sharany ótkzbeýdi qarastyrady. Sondaı-aq, mamandar qoǵamdyq tamaqtaný oryndarynyń jabylý ýaqytyn shekteýdi usyndy.
Belgııada da Covid-19 juqtyrǵandar sany artyp ketti. Alaıda, ázirge Belgııa saıasatkerleri turǵyndardy qashyqtan jumys isteý rejımine oralýǵa shaqyrdy. Belgııa úkimeti janyndaǵy Konsýltatıvtik komıtet kelesi aptada epıdemıologııa jaı-kúıin talqylaý úshin bas qosady. Sonymen qatar, Brıýssel aımaǵy koronavırýs vaktsınasynyń «kúsheıýshi» dozasyn saldyra bastaý úshin 2022 jyldyń sáýirine deıin tórt vaktsınatsııa ortalyǵyn ashyq ustaýdy josparlap otyr.
Belgııanyń densaýlyq saqtaý mınıstrleri jeltoqsannyń ortasynan bastap Johnson&Johnson vaktsınasyn bir ret alǵan adamdarǵa qosymsha ekpe egýdi maquldady.
Avtory Arnur Rahymbekov
