EO elderi gazdy únemdeýdiń tótenshe jospary týraly kelisti

BRıÝSSELЬ. QazAqparat – Brıýsselde ótken EO elderiniń energetıka mınıstrleriniń arnaıy kezdesýinde Eýroodaq memleketteriniń gaz tutynýdy azaıtý jónindegi tótenshe jospary bekitildi, dep habarlaıdy QazAqparat DW agenttigine silteme jasap.

«Eýropalyq odaq elderi gaz tutynýdy azaıtý boıynsha tótenshe jospar týraly kelisti. Seısenbi, 26 shildede ol Brıýsselde EO elderiniń energetıka mınıstrleriniń arnaıy kezdesýinde kópshilik daýyspen maquldandy», - dep habarlady Chehııa EO janyndaǵy ókildigi.

Chehııa Eýroodaqqa tóraǵalyq etedi.

Jańa jospardyń maqsaty – Reseıden gaz jetkizýdi tolyǵymen toqtatý nátıjesinde týyndaýy múmkin táýekelderdi azaıtý. Dıplomatııalyq ortalardaǵy derekkózderdiń habarlaýynsha, Eýrokomıssııa usynǵan jospar 2022 jylǵy 1 tamyzdan 2023 jylǵy 31 naýryzǵa deıingi kezeńde ulttyq gaz tutynýdy 15% azaıtýdy kózdeıdi.

Foto: dw.com