EO elderi 120 myń bosqyndy qabyldaýy yqtımal
BRıÝSSELЬ. QazAqparat - Eýropalyq parlament beısenbide Eýrokomıssııanyń 150 myń bosqyndardy Eýroodaq elderi boıynsha bólý týraly usynysyn qoldady.
EK usynysy EO parlamentiniń basshysy Martın Shýltstiń bastamasymen shuǵyl daýys berýge shyǵaryldy.
«120 myń bosqynnyń qonysyn aýystyrý týraly 9 qyrkúıektegi Eýropalyq komıssııanyń usynysyn parlamentttiń rekordty merzimde qoldaýy 22 qyrkúıek, seısenbide qaıta jınalatyn EO ishki ister mınıstrlerine osy máselede ýaǵdalasatyn ýaqyttyń jetkenin bildiretin belgideı boldy», - dep atap ótildi Eýroparlament saıtynda.
Eýrokomıssııanyń bastamasyn 370 parlamentshi qoldady, 134 depýtat qarsy shyqsa, eýropalyq 52 zań shyǵarýshy qalys qaldy. EK usynystaryna sáıkes 120 myń bosqyn Italııa (15600), Grekııa (50400), Vengrııa (54000) jáne EO-nyń basqa da elderine bólinetin bolady.
Sonymen qatar, Eýroparlamenttiń daýys berýi usynymdyq sıpatta. Sońǵy sheshim 22 qyrkúıekke josparlanǵan ádilet jáne ishki ister boıynsha EO keńesiniń aıasynda qabyldanatyn bolady.
