EO elderi soǵysqa qatysqan sheteldikterdiń elge kirýin shektedi

ASTANA. KAZINFORM — Estonııa bıligi úshinshi eldiń aýmaǵyndaǵy áskerı qaqtyǵystarǵa qatysqan dep tanylǵan 261 adamǵa elge kirýge tyıym saldy. Atalǵan tulǵalardyń Estonııada turýǵa ruqsaty bolǵan, dep habarlaıdy AZERTADJ.

Bul týraly Estonııanyń syrtqy ister mınıstri Margýs Tsahkna X áleýmettik jelisinde málimdedi.

Syrtqy ister mınıstriniń aıtýynsha, bul — osyndaı sıpattaǵy alǵashqy sheshimder jáne aldaǵy ýaqytta tizim keńeıýi múmkin.

Tallın bıligi qabyldanǵan sharalar ulttyq qaýipsizdikti qamtamasyz etýge, qoǵamdyq tártipti saqtaýǵa baǵyttalǵanyn jáne Shengen aımaǵy elderiniń ustanymdarymen úılesetinin atap ótti.

Estonııa tarapy qaqtyǵystarǵa qatysqan kóptegen adamnyń áskerı tájirıbesi bar ekenin, sondyqtan olardyń elge kirýi yqtımal qaýip retinde qarastyrylatynyn jetkizdi. Osyǵan baılanysty bılik shekaralyq baqylaý máselesine aldaǵy ýaqytta da erekshe kóńil bólmek.

Margýs Tsahkna Estonııanyń Eýropalyq Odaqtaǵy seriktesterimen áreketterin úılestirýdi jalǵastyratynyn, sondaı-aq óńirdegi turaqtylyq pen qaýipsizdikke basymdyq beriletinin atap ótti.

Budan buryn qazaq-eston bıznes-forýmynda jalpy quny 517 mln AQSh dollarynan asatyn kelisimder bekitilgenin jazǵanbyz. Sonyń ishinde mal sharýashylyǵy salasyndaǵy yntymaqtastyq memorandýmy jasaldy.