EO Ebola vırýsyna baılanysty halyqaralyq konferentsııa ótkizedi
ASTANA. QazAqparat - Eýropalyq Odaq Ebola vırýsynan týyndaǵan aýrýdyń taralý jolymen kúresýge arnalǵan halyqaralyq konferentsııa ótkizýdi josparlap otyr. Bul týraly EO koordınatory «Velt» nemis gazetine bergen suhbatynda habarlady.
«Men osy jyldyń birinshi aılarynda epıdemııaǵa qarsy halyqaralyq ókilder jınalatyn konferentsııa ótkizbekpin», - dedi ol.
EO ókili Hrıstos Stılıanıdıstiń aıtýynsha, konferentsııada naqty sharalar men aýrýdyń taralýyn aldyn alý úshin uzaq merzimdi strategııany ázirleý jumystary talqylanady.
Stılıanıdıs EO múshelerin, kóbirek medıtsına qyzmetkerlerin jiberýge jáne indetten zardap shekken elderge qarjylaı kómek berý mólsherin ulǵaıtýǵa shaqyrdy.
Aıta keteıik, 2014 jyldyń sońyna deıin vırýstan 375 medıtsına qyzmetkerleri qaza tapqan. Dúnıejúzilik densaýlyq saqtaý uıymynyń derekteri boıynsha, Ebola vırýsynyń qurbandarynyń sany shamamen 8 myńǵa jetti.
Bul týraly khabar.kz jazady.
