EO dıplomatııasynyń basshysy: Izraıl úkimetiniń múshelerine sanktsııa salýdy usynamyn
ASTANA. KAZINFORM – Betperde kıgen ızraıldik qonystanýshylar beısenbi kúni keshke Batys jaǵalaýdaǵy palestınalyq Jıt kentine shabýyl jasady. Olar úıler men kólikterdi órtedi, saldarynan bir palestınalyq azamat qaza tapty. Eýropa dıplomatııasynyń basshysy Jozep Borreldiń málimdeýinshe, ol Eýroodaq elderine osy zorlyq-zombylyq áreketteri úshin Izraıl úkimetiniń múshelerine qarsy sanktsııa salýǵa shaqyratynyn aıtty, dep habarlaıdy Euronews.
«Kún saıyn ızraıldik qonystanýshylar basyp alynǵan Batys jaǵalaýda zorlyq-zombylyqty qozdyryp, beıbitshiliktiń kez kelgen múmkindigine qaýip tóndirip, sol úshin esh jazalanbaı otyr. Men EO-ǵa radıkaldy qonystanýshylardy jaqtaýshylarǵa, sonyń ishinde Izraıl úkimetiniń keıbir múshelerine qarsy sanktsııalar engizý týraly usynys engizý nıetimdi rastaımyn», - dep jazdy Brıýssel sheneýnigi X platformasynda
Palestına avtonomııasynyń densaýlyq saqtaý mınıstrligi jergilikti turǵynnyń qaza taýyp, taǵy biri aýyr jaralanǵanyn rastady.
TsAHAL-dyń habarlaýynsha, ol shabýylǵa qatysy bar ızraıldikterdiń birin ustap, polıtsııaǵa tapsyrǵan. Premer-mınıstr Netanıahý, prezıdent Gertsog jáne qorǵanys mınıstri Gallant bul shabýyldy aıyptady. TsAHAL men polıtsııa palestınalyqtyń ólimine qatysty birlesken tergeý júrgizip jatyr.
Áskerılerdiń málimdeýinshe, qonystanýshylar Jıt kentindegi úıler men kólikterge tastar men jandyrǵysh qospasy bar bótelkelerdi laqtyra bastaǵannan keıin sol jerge ásker men shekara polıtsııasy jiberildi. TsAHAL ızraıldikterdi toqtatý jáne olardy kentten shyǵarý úshin tártipsizdikterdi basý quraldary men oqtardy paıdalandy.
Izraıl qorǵanys kúshteri bul oqıǵalardy aıyptap, olardyń qaýipsizdikke nuqsan keltiretinin jáne kúshterdi terrorızmmen kúresýdiń negizgi mindetinen alshaqtatqanyn atap ótti.
Palestına avtonomııasynyń bıligi qonys aýdarýshylardyń áreketin «uıymdasqan memlekettik lańkestik» dep atady.
