EO-daǵy avtomobılder jańa baqylaý júıesimen jabdyqtalady
BRıÝSSELЬ. QazAqparat - Eýropalyq parlament EO-nyń apattyq-qutqarý qyzmetterine jol-kólik oqıǵalaryn jedel eleýine múmkindik beretin joldardaǵy apattar týraly eskertýdiń jańa júıesin engizýdi maquldady.
ECall degen atqa ıe bolǵan avtomattandyrylǵan júıe 2018 jyldyń 31 naýryzynan bastap jumys isteı bastaıdy. Ony barlyq jańa kólikter men fýrgondarǵa ornatý shamalanyp otyr. Eýroparlamentshiler jańa júıeni engizý búkil Eýropa boıynsha jylyna 2600-ge jýyq adamnyń ómirin saqtap qalýǵa kómektesetinine senimdi.
ECall júıesi arqyly qutqarý qyzmetterine kóliktik quraldyń tıpi, qoldanyp otyrǵan janarmaıy, oqıǵa bolǵan ýaqyt, naqty ornalasqan jeri men jolaýshylardyń sany týraly málimetter jiberiledi.
