EO-da koronavırýsqa qarsy vaktsına satyp alýshylar qosymsha qun salyǵynan bosatylady

BRıÝSSELЬ. QazAqparat – Eýropalyq komıssııa EO-ǵa múshe memleketterdiń koronavırýsqa qarsy vaktsınalar men test jıyntyqtaryn satyp alý kezinde aýrýhanalardy, praktık dárigerlerdi jáne jeke tulǵalardy qosymsha qun salyǵynan (QQS) bosatý týraly sheshimin quptady, dep habarlaıdy QazAqparat menshikti tilshisi.

Búgin Eýroodaqqa múshe barlyq memleket biraýyzdan qabyldaǵan jáne 2020 jylǵy 28 qazandaǵy komıssııanyń usynysyna negizdelgen jańa erejeler koronavırýstyń aldyn alý, anyqtaý jáne emdeý úshin qajetti quraldarǵa arzan baǵada qol jetkizýdi qamtamasyz etýge arnalǵan.

Eýrokomıssııanyń ekonomıka jónindegi komıssary Paolo Djentılonı EO elderiniń kelisimi búkil Eýropa aýmaǵynda koronavırýsqa qarsy vaktsınalardy QQS-syz satyp alýdy qamtamasyz etýge kómektesedi dep sanaıdy. Komıssııa ókiliniń aıtýynsha, vaktsınalardy sátti engizý pandemııamen kúresýde óte mańyzdy jáne bul aldaǵy aılarda EO-nyń basty basymdyǵy bolmaq.

Qazirgi ýaqytta odaqqa múshe memleketter vaktsınalardy satý kezinde QQS-nyń tómendetilgen mólsherlemelerin qoldana alady, biraq nóldik mólsherlemeni qoldana almaıdy. Bul rette COVID-19-ǵa testileýge arnalǵan jıyntyqtarǵa jeńildigi bar mólsherlemeler qoldanylmaıdy.

«EO-nyń salyq jáne keden saıasaty koronavırýsqa qarsy kúres boıynsha mańyzdy medıtsınalyq taýarlarǵa qol jetkizýdi qamtamasyz etýde, sondaı-aq ishki naryqqa túsetin taýarlardyń qaýipsizdigin qamtamasyz etýde ajyramas ról atqarady», - dep atap ótti Eýrokomıssııada.

Avtor: Arnur Rahymbekov