EO basshylyǵy B.Obamany AQSh Prezıdenti bolyp qaıta saılanýymen quttyqtady

Bul týraly Eýroodaq basshylyǵynyń taratqan málimdemesinde aıtylady.

«Biz Barak Obamaǵa Amerıka Qurama Shtattarynyń prezıdenti qyzmetine qaıtadan saılanýymen quttyqtaý sálemdememizdi qýana joldaımyz. Qurama Shtattary Eýropalyq Odaqtyń basty strategııalyq áriptesi bolyp tabylady, jáne biz prezıdent Obamamen sońǵy tórt jylda oryn alǵan ǵalamdyq problemalardy birlesip sheshýde, sonyń ishinde qaýipsizdik pen ekonomıka salalaryndaǵy máselelerdi sheshý maqsatynda qurylǵan ekijaqty tyǵyz yntymaqtastyqty odan ári nyǵaıtýǵa úmittenemiz», - dep atap ótiledi H.Rompeı men J.Barrozýdyń birlesken málimdemesinde.

Budan basqa, eýropalyq sheneýnikter ekonomıkalyq ósimdi qamtamasyz etý jáne jumys oryndaryn qurý úshin transatlantıkalyq naryqtyń áleýettiń qoldanylýyn keńeıtý jumysyn jalǵastyratynyn atap ótti. Eýroodaq sondaı-aq AQSh-pen syrtqy saıasat jáne ortaq qundylyqtardy ilgeri jyljytý máselelerinde tyǵyz baılanysty jalǵastyrýǵa qyzyǵýshylyq tanytady.