EO basshylary Ýkraınanyń Eýroodaqqa shuǵyl kirý bastamasyna qoldaý bildirdi

NUR-SULTAN. QazAqparat – EO qazirgi tóraǵasy Frantsııa astanasynyń shetindegi Versalda Eýroodaq sammıti óttti. Onda oǵan múshe elderdiń kóshbasshylary men Brıýssel ókilderi Kıevti qoldaý jáne Máskeýge qarsy sanktsııalar engizý máselesin qarady, dep habarlaıdy QazAqparat Eýronıýske silteme jasap.

Kún tártibindegi máselelerdiń biri – Ýkraınanyń Eýroodaqqa kirýge shuǵyl usynysy. Bul ıdeıany shyǵystaǵy múshe elder qoldap jatyr, biraq basqa kóptegen elder bul protsedýranyń aıtarlyqtaı kóp ýaqyt qajet etetinin alǵa tartýda. Kezekte kóptegen jyldar boıy birneshe el tur, olar músheliktiń krıterııine saı kelý úshin kóp nárse jasaǵan.

«Nıderlandy men Ýkraınanyń ıyq tirestirip turǵanyna eshkimniń kúmáni bolmasyn. Biraq uıymǵa qosylýdy jedeldetý degen túsinik joq», - dedi gollandyq premer-mınıstr Mark Rıýtte.
Talqylaýdyń taǵy bir taqyryby - bloktyń reseılik energııa kózderine táýeldiligin qalaı jeńýge bolatyny týraly. Ony satyp alýdy jyl sońyna deıin úshten ekige qysqartý usynyldy. Kóshbasshylar birtindep basqa jetkizýshilerge nemese basqa kózderge aýysý qajettigimen kelisti.