EO Bas elshisi: Brexit jedel ári ońaı bolmaıdy
BRıÝSSELЬ. QazAqparat - Brexit boıynsha EO bas elshisi Mıshel Barne Ulybrıtanııanyń Eýropalyq odaqtan shyǵýy tez ári ońaı bolmaıtyndyǵyn aıtyp, onyń adamdar ómirine áser etpeıtindigine sendirý durys emes dep esepteıdi, dep habarlaıdy «QazAqparat» agenttiginiń menshikti tilshisi.
«Keıbireýler Brexit bizdiń ómirimizge aıtarlyqtaı yqpal ete qoımaıdy nemese kelissózder tez ári ońtaıly aıaqtalýy múmkin degen oı týdyryp júr. Bul múlde basqa jaǵdaı»,- dedi ol sársenbi kúni jýrnalısterge Brexit boıynsha Ulybrıtanııamen kelissózder jónindegi Eýrokomıssııanyń nusqaýlaryn tanystyra otyryp.
Bárinen buryn, onyń aıtýynsha, Eýroodaq úshin tıimdi bolatyny kontınenttik Eýropadaǵy brıtandyqtardyń quqyǵy Ulybrıtanııadaǵy azamattar quqyǵymen teń bolatyndyǵy.
«Bul ómir súrý quqyǵyna ǵana emes, sondaı-aq, eńbek naryǵy, bilim alý múmkindigine, densaýlyq saqtaýǵa qoljetimdiligine, dıplomdar men mamandyqtardyń moıyndalýyna da qatysty. Bul quqyqtardyń barlyǵy qorǵalyp, kepildendirilýi kerek», - dep atap ótti Mıshel Barne.
Budan ózge, Brıýssel men London Eýroodaq quramynda qabyldanǵan Ulybrıtanııa tarapynan barlyq qarjylyq mindetterdiń oryndalýy jóninde kelisim jasaýy kerek.
Eýroodaq sondaı-aq, Irlandııa jáne koroldik quramyna kiretin Soltústik Irlandııanyń arasynda shekaranyń qalyptasýyna jol bermeýge tyrysady.
Ol Brexit boıynsha kelissózder 16 aı boıy júrgiziletinin boljaıdy. Sosyn bolashaqtaǵy Ulybrıtanııa men EO múshe qalǵan 27 el arasyndaǵy saýda qatynasyn talqylaýdy jalǵastyrady dep esepteıdi.
