EO Armenııanyń odaqpen jaqyndasý úderisin qoldaýǵa daıyn
EREVAN. KAZINFORM – Armenııa Eýropa Odaǵyna qosylý úshin naqty qadamdar jasap keledi. Bul týraly Eýroparlamentte ótken baspasóz maslıhatynda Eýroodaqtyń keńeıtý máseleleri jónindegi komıssary Marta Kos málimdedi, dep habarlaıdy Kazinform agenttiginiń Erevandaǵy menshikti tilshisi.
- Eger olar tıisti talaptardy oryndasa, biz de óz mindettememizdi oryndaýǵa, bastamalardy qoldaýǵa daıynbyz. Armenııa shyn máninde Eýropa Odaǵyna qaraı bet alyp keledi. Máselen, qazirgi ýaqytta EO vızalyq rejımdi jeńildetý boıynsha kelissózder júrgizip otyrǵan jalǵyz el - Armenııa, - dedi Marta Kos.
«Armenpress» agenttiginiń aqparatyna saı, komıssar brıfıngte EO-nyń Armenııa ekonomıkasyna ári qaraı da qoldaý kórsetýge nıetti ekenin jetkizdi. Onyń aıtýynsha, bul baǵytta naqty josparlar men sharalar legi ázirlegen.
Eske salaıyq, keshe Armenııa parlamentinde depýtattar tóbelesti.
Qosa ketsek, taıaýda BUU Bas Assambleıasynyń 81-shi sessııasynda sóz sóılegen Armenııanyń premer-mınıstri Nıkol Pashınıan Ońtústik Kavkaz óńirindegi turaqtylyqty qamtamasyz etip, ózara tıimdi qarym-qatynastyń negizi bolatyn birineshe faktordy atady.
