EO Afrıka elderine bosqyndardyń oralýyna aqsha tólemek
ASTANA. QazAqparat - Eýroodaq múshe-memleketteriniń syrtqy ister mınıstrleri jasyryn kelgen mıgranttardy Afrıka elderine qaıtarý josparyn jasady. Bul týraly Lenta.ru The Daily Telegraph-qa silteme jasap habarlady.
Basylymnyń aqparaty boıynsha, birqatar afrıkandyq elderge, sonyń ishinde Efıopııaǵa, Sýdanǵa, Ýgandaǵa jáne Kenııaǵa, eger olar Eýroodaq aýmaǵyna jasyryn kelgen 800 myń mıgranttyń «eń bolmasa bir bóligin» qabyldaıtyn bolsa, 1,3 mıllıard fýnt (shamamen 1,8 mıllıard eýro) aqsha usynbaq.
Sonymen qatar Afrıkadan «joǵary bilikti qyzmetkerler» men stýdentterdi Eýropaǵa kelýge qushaq jaıa qarsy alady: olar úshin vızalyq jeńildikter qarastyrylady, til úıretý kýrstary uıymdastyrylady, jumys oryndary beriledi.
EO resmı jospary mıgranttarǵa eýropalyq elderge kelýdiń ashyq túrin usynýy, sóıtip, adamdardyń teńizde qazaǵa ushyraýyn qysqartýy tıis (bul eń qaýipti jáne bosqyndardyń Eýropaǵa jolynyń keń taraǵan túri), alaıda The Daily Telegraph, eger Afrıka «eýropalyq elder óz aýmaqtarynan shyǵaratyn ondaǵan myń mıgranttardy qaıtaryp alar bolsa, bul afrıkalyq lıderlerge sábiz usynǵanmen birdeı», dep atap ótedi.
Eýropada bir jarym jylǵa jýyq ýaqyt mıgratsııalyq daǵdarys bastaldy. EO-nyń ádilet jáne ishki ister jónindegi keńesi qyrkúıekte Italııadan jáne Grekııadan bosqyndardy Eýroodaq boıynsha ornalastyrý josparyn maquldaǵanymen Eýroodaq kóshbasshylarynda bul máselede kelisim joq. Keıbir elder, sonyń ishinde Chehııa, Vengrııa, Rýmynııa jáne Slovakııa qonys aýdarýshylardy qabyldaǵysy kelmeıdi.
