Entonı Leık ıÝNISEF atqarýshy dırektory qyzmetine kirisedi
ASTANA. Mamyrdyń 3-i. QazAqparat - Búgin memlekettik jáne halyqaralyq qyzmette 45 jyldan astam tájirıbesi bar Entonı Leık ıÝNISEF atqarýshy dırektorynyń laýazymyna kirisedi, dep habarlady ıÝNISEF bıýrosy BAQ-qa arnalǵan habarlamasynda.
Ol bul qyzmetke BUU Bas hatshysy Pan Gı Mýnmen jáne ıÝNISEF atqarýshy keńesimen konsýltatsııalardan keıin taǵaıyndaldy. BUU Bas hatshysy Leık myrzanyń «Qurama Shtattar úkimetinde uzaq jyldar qyzmet atqaryp, baı tájirıbemen» kelip otyrǵanyn atap ótti.
Entonı Leık Garvard kolledjin jáne Prıston ýnıversıtetin bitirdi jáne Výdro Vılson atyndaǵy memlekettik qyzmet jáne halyqaralyq qatynastar mektebin bitirip fılosofııa doktory ǵylymı ataǵyn aldy. Jańa qyzmetke taǵaıyndalǵanǵa deıin Kolýmbııa okrýgi Vashıngton qalasyndaǵy Djordjtaýn ýnıversıtetinde dıplomatııalyq praktıka professory qyzmetin atqardy.
