Entonı Blınken kelesi aptada Afrıka boıynsha týrnege attanady
ASTANA. KAZINFORM – AQSh Memlekettik hatshysy Entonı Blınkenniń sapary 2022 jylǵy kóshbasshylar sammıtinen keıin AQSh pen qurlyq arasyndaǵy seriktestiktiń jedeldeýin kórsetedi, dep jazdy «Amerıka daýysy» radıosy.
AQSh Memlekettik hatshysy Entonı Blınken kelesi aptada Kabo-Verde, Kot-d'Ivýar, Nıgerııa jáne Angolaǵa barady. Bul onyń Afrıka qurlyǵyna tórtinshi sapary bolmaq.
2022 jylǵy AQSh-Afrıka kóshbasshylarynyń sammıtinen keıin AQSh Mınıstrler kabınetiniń músheleri ótken jyly kontınentke 17 sapar jasady.
Memlekettik departamenttiń baspasóz hatshysy Mettıý Mıllerdiń málimdeýinshe, Blınkenniń alty kúndik sapary sammıtten keıin AQSh-Afrıka seriktestiginiń, sonyń ishinde klımat, azyq-túlik qaýipsizdigi jáne densaýlyq saqtaý sııaqty salalarda qalaı jedeldetilgenin tanytady.
«Ol sonymen qatar bizdiń bolashaqqa baǵyttalǵan ekonomıkalyq seriktestigimizdi jáne AQSh-tyń ekijaqty saýdany nyǵaıtý, elde jáne kontınentte jumys oryndaryn qurý, sondaı-aq Afrıkanyń jahandyq naryqta básekege túsýine kómektesý úshin Afrıkadaǵy ınfraqurylymǵa qalaı ınvestıtsııa salyp jatqanyn kórsetedi», - dedi Mıller.
Blınken buǵan deıin Taıaý Shyǵys elderine sapar jasaǵan.