Entonı Blınken Izraılge ushyp bardy

AQSh memlekettik hatshysy Entonı Blınken Izraılge ushyp keldi. Ony Izraıl Syrtqy ister mınıstrliginiń basshysy Elı Koen áýejaıdan kútip aldy. Kazinform bul týraly VVS-ge silteme jasap habarlaıdy.

Qysqa merzimdi sapary kezinde Blınken Izraıldiń resmı tulǵalarymen jáne Batys qoldap otyrǵan Palestına ákimshiliginiń tóraǵasy Mahmýd Abbaspen kezdesedi.

M.Abbas Gaza sektorynda HAMAS-pen básekeles – Palestınany azat etý ulttyq qozǵalysy partııasyn (FATH) basqarady.

Reuters agenttiginiń jazýynsha, Blınken sapary kezinde HAMAS tutqynǵa alǵan azamattardy bosatý (olardyń qatarynda AQSh azamattary da bar), sondaı-aq Gazanyń beıbit turǵyndary úshin qaýipsiz dáliz uıymdastyrý máselelerin talqylaıdy.