«Eńseli meshit el ıgiligi úshin» - respýblıkalyq basylymdarǵa sholý

ASTANA. 30 jeltoqsan. QazAqparat - Qazaq aqparat agenttigi respýblıkalyq basylymdarda 30 jeltoqsan, juma kúni shyqqan ózekti materıaldarǵa sholýdy usynady.

***

«Egemen Qazaqstan» gazetiniń jazýynsha, keshe Ortalyq saılaý komıssııasynyń tóraǵasy Qýandyq Turǵanqulov AQSh-tyń Qazaqstandaǵy elshisi Kennet Feırfakspen onyń ótinishi boıynsha kezdesti. Kezdesýde OSK tóraǵasy AQSh elshisin Parlament Májilisi depýtattary men máslıhattary depýtattary saılaýyna ázirlik barysymen tanystyrdy. «Ortsaılaýkom basshysy atap ótkendeı, saıası partııalardyń saılaýaldy úgit jumystary quqyq aıasynda jáne saılaýaldy úgit sharalarynyń zańnamamen kózdelgen barlyq nysandarynda júrip jatyr. Tek Jańaózen qalasynda ǵana tótenshe jaǵdaıdyń engizilýine baılanysty saıası partııalar men máslıhattar depýtattyǵyna kandıdattar buqaralyq kópshilik sharalardy ótkizýden bas tartýy jáne olardyń ornyn BAQ-tar men kórneki úgit nysandaryn belsendirek paıdalaný esebinen toltyrýy tıis», - dep jazady basylym. Maqala «AQSh elshisimen kezdesti» degen taqyryppen berilgen.

«Ulan aýdanynyń or­ta­lyǵy - Qasym Qaı­se­nov atyndaǵy kentte el esinde qalatyndaı eleýli oqıǵa boldy. Osy aýdannyń týmasy, aýǵan soǵysynyń ardageri, taıaýda ǵana kásipkerlikti damytýǵa qosqan erekshe úlesi úshin «Qurmet» ordenimen marapattalǵan, aldyńǵy jyly Elbasynyń qolynan «Paryz» syılyǵyn alǵan Qaırat Mýsın óz qarjysyna soqqan, ishine 500 adam erkin syıatyn eńseli meshitti jerlesterine syıǵa tartty», - dep jazady «Egemen Qazaqstan» gazeti búgingi sanyndaǵy «Eńseli meshit el ıgiligi úshin» degen taqyryptaǵy maqalasynda. Meshittiń ashylýyna Shyǵys Qazaqstan oblysynyń ákimi Berdibek Saparbaev, Aýǵan­standa Q.Mýsınniń komandıri bolǵan elimizdiń birtýar aza­ma­ty, «Halyq Qaharmany» Ba­qytjan Ertaev, Shymkent, Taraz, Semeı, basqa qalalardan kásipkerdiń dostary arnaıy kelip, qýanyshtarymen bólisti.

***

«Keshe Áleýmettik árip­tes­­tik jáne áleýmettik jáne eń­bek qatynastaryn retteý jó­nin­degi respýb­lı­kalyq úsh­jaq­ty komıs­sııa­nyń otyry­sy ótip, Qa­zaq­stan Úkimeti, qyzmetkerlerdiń res­pýb­lıkalyq birlestikteri jáne ju­mys berýshilerdiń res­pýblı­kalyq birlestikteri arasyndaǵy 2012-2014 jyl­darǵa arnalǵan bas kelisimge qol qoıyldy», - dep jazady «Kazahstanskaıa pravda» gazeti. Basylymnyń atap ótýinshe, kelisimge qol qoıa otyryp, taraptar «Jumyspen qam­tý-2020» baǵdarlamasynyń ne­gizgi baǵyt­ta­ryn iske asy­rýda, halyqtyń ómir súrý jaǵ­daıyn jaqsartý jáne jumys isteıtin aza­mat­tardyń áleý­met­tik qorǵaý deńgeıin arttyrý, áleýmettik-eńbek qaty­nas­ta­ryn ujymdyq shart arqyly retteýdiń quqyq­tyq bazasyn jetildirýge jáne ujymdyq eńbek daýlaryn she­shý­diń tıimdiligin arttyrýǵa ba­ǵyttalǵan shara­la­rdy jáne Ha­lyqara­lyq eńbek uıymymen birlesip Qazaqstan Respýblı­ka­syndaǵy laıyqty eń­bek ulttyq baǵdar­la­masyn iske asyrýda kúsh biriktirýge kelisti.

***

«Komsomolskaıa pravda Kazahstan» gazetiniń búgingi sanynda jaryq kórgen «ıAzyk do sýda dovedet» degen taqyryptaǵy maqalada QR Bas prokýratýrasy Jańaózen qalasynyń turǵyny Alýash Ońǵarovany buqaralyq aqparat quraldaryna jalǵan aqparat bergeni úshin ákimshilik jaýapkershilikke tartýǵa nıet tanytyp otyrǵandyǵy jaıynda baıandalǵan. «Bizben buryn keıbir buqaralyq aqparat quraldary arqyly óziniń kelini Sholpan Jańaózen qalasyndaǵy jappaı tártipsizdikter kezinde ólgen 23 adamnyń kózderin jumǵanyn málimdegen Ýngarova Alýashtan jaýap alyndy. Degenmen, anyqtalyp, suralǵan Ótekeeva Sholpan Ýngarovanyń sózderin joqqa shyǵardy jáne ólgenderdiń kózderin jappaǵanyn, ózi tikeleı 2011 jylǵy 16 jeltoqsanda qaza bolǵan tek 3 adamdy kórgenin habarlady. Sonymen qatar, ol Ýngarovaǵa kelin bolyp kelmeıtindigine nazar aýdardy», - dep atap ótti QR Bas prokýratýrasynyń resmı ókili Nurdáýlet Súıindikov.