ENRC tobyna kiretin «KEK» AQ prezıdenti kýbogyna arnalǵan shaǵyn fýtboldan balalar jarysy óz máresine jetti
ASTANA. 29 jeltoqsan. QazAqparat - Aqsý qalasynda shaǵyn fýtboldan týrnır aıaqtaldy. «Eýroazıalyq energetıkalyq korporatsııasy» AQ prezıdentiniń kýbogyna arnalǵan jarysqa 8 mektep komandalary kúresti. Barlyq oıynshylar dıplomdar men syılyqtar aldy, - dep habarlady kompanııanyń baspasóz qyzmetinen.
Jarysqa 14-16 jastaǵy balalar qatysty. Ár komanda ádemi jáne qyzý oıyn kórsetti. Fınalda №8 mektep pen mektep-lıtseı quramasy kezdesti. Nátıjesinde birinshi oryndy №8 mektep ıelense, lıtseı men №7 mektep komandasy 2-3 oryndardy bólisti. Sonymen qatar Esenáli Dúısenbaı «Úzdik shabýylshy» ataldy, Rınat Nábıev «Úzdik qorǵaýshy», Artýr German «Jarystyń úzdik oıynshysy» atandy. Ár oıynshy Eýroazıalyq energetıkalyq korporatsııadan dıplom men aqshalaı syılyq aldy. Syılyqtardy tapsyrǵan «EEK» AQ prezıdenti Abdýazım Rýstambaev: «Biz jarysty barynsha qyzyqty ótkizýge tyrystyq. Ol endi jyl saıyn ótkiziledi. Sol úshin ashylý rásimine biz «Ertis» fýtbol klýbynyń bas jattyqtyrýshysy men sportshylaryn shaqyrdyq. Bizdiń aldymyzda barlyq joldar ashyq, jáne de biz balalarǵa kómektesýge tyrysamyz», - dedi.
