Enesin balaǵattaǵan qostanaılyq 10 táýlikke qamaldy
QOSTANAI. QazAqparat - Lısakov qalasynda enesin balaǵattaǵan er adam 10 táýlikke qamaldy, dep habarlaıdy «QazAqparat» HAA oblystyq sottyń baspasóz qyzmetine silteme jasap.
Lısakov qalalyq soty 35 jastaǵy azamat A.-ǵa qatysty ákimshilik isti qarady. Ol QR ákimshilik quqyq buzýshylyq týraly kodekstiń 73-baby (quqyqqa qarsy áreketterimen otbasylyq-turmystyq qatynastar salasyna sáıkes) boıynsha aıyptaldy.
Іs materıaldarynda kórsetilgendeı, ústimizdegi jyldyń 23 qańtarynda azamat A. mas kúıinde óziniń enesine bylapyt sózder aıtyp, til tıgizgen. Zań boıynsha otbasy múshelerin kemsitý jáne basqa da is-áreketter jasaý ákimshilik quqyq buzýshylyq týraly kodekspen qaralady.
Sot úkimi boıynsha, er adam aıypty dep tanylyp, 10 táýlikke qamaýǵa alyndy.
