Enesi ólgen qarlyǵash balapandaryn tamaqtandyrǵan ájeniń áreketi jurtty eljiretti

ASTANA. QazAqparat – Qytaıda turatyn qazaq ájeniń áreketi eldi súısindirdi. Qytaıdyń áleýmettik jelilerinde qazaq ájeniń enesi ólgen qarlyǵash balapandaryn tamaqtandyryp jatqan vıdeosy keńinen taraǵan.

Vıdeoda áje ózi toıǵa ketkende toshala úıine uıa salǵan qarlyǵashtyń enesin mysyq jep qoıǵanyn aıtady.

Jany ashyǵan áje qarlyǵash balapandaryna analyq meıirimin tógip, tamaqtandyryp jatqany vıdeoǵa túsirilgen. Áje balapandarǵa kúrish qaınatyp beretinin, jurmyrtqa beretinin aıtady.

Meıirban ananyń bul isi jeli qoldanýshylarynyń ystyq yqylasyna bólenip, qyzý talqysyna túsip jatyr.

«Qazaq - óte meıirban halyq», «Ananyń meıirimi sheksiz», «Apa, bul meıirimińizdi Alla taǵala saýapqa jazsyn», «Sol jaqtaǵy birinshi balapanǵa azyq az tıip jatyr», «Meıirim qanmen beriledi! Keremet kórinis!», «Qudaı-aı! Obal bolǵan eken. Qanattary qataıyp ushyp ketsin! Qarlyǵash qus ta áýlıe ǵoı!», dep jazady pikir qaldyrýshylar.