EnergyTech platformasy: jylytý maýsymyndaǵy qaýipterdi azaıtýdyń jańa tsıfrlyq tetigi
ASTANA. KAZINFORM — Energetıka mınıstrligi otyn-energetıkalyq keshenin basqarýdyń senimdiligi men ashyqtyǵyn arttyrýǵa baǵyttalǵan tsıfrlyq sheshimderdi engizip jatyr. Tsıfrlandyrý nátıjesinde jylytý maýsymyndaǵy apattylyq táýekeli 25%-ǵa azaıady. Bul týraly vedomstvonyń baspasóz qyzmeti málim etti.
Qazirgi ýaqytta mınıstrlik «Otyn-energetıkalyq keshendi basqarýdyń biryńǵaı memlekettik júıesi» (EnergyTech) atty salalyq platformany júzege asyryp jatyr.
— EnergyTech platformasy QazTech standarttaryna sáıkes ázirlengen biryńǵaı tsıfrlyq sheshim negizinde energetıka, jer qoınaýyn paıdalaný, qaıta óńdeý jáne kómir ónerkásibi sııaqty ÓEK-tiń barlyq salalaryn biriktiredi, — dep habarlady mınıstrlikten.
Vedomstvonyń málimetinshe, platformany tolyq kólemde iske asyrý jáne ónerkásiptik paıdalanýǵa engizý 2026–2027 jyldary josparlanyp otyr.
Búgingi tańda jeti tsıfrlyq servıs jumys isteıdi, onyń ekeýi energetıka sektorynda: kúzgi-qysqy kezeńge daıyndyq pen ótý barysyn monıtorıngteý boıynsha tsıfrlyq servıs; shekti tarıfterdi bekitýge arnalǵan tsıfrlyq servıs.
2025 jyly kúzgi-qysqy kezeńge daıyndyq pen ótý barysyn baqylaý jónindegi salalyq servıs tájirıbelik paıdalanýǵa engizildi. Bul servıs aktıvterdi tolyq esepke alýdy jáne baqylaýdy, nysandardy onlaın-monıtorıngteýdi, jóndeý jumystaryn biryńǵaı tsıfrlyq ortada josparlaýdy qamtamasyz etedi.
— Júıede barlyq obektiler, toraptar men jabdyqtar boıynsha tsıfrlyq tizilimder quryldy, olar derekterdi biryńǵaılandyrýdy, aktıvterdiń tıpteýin jáne olardy normatıvter men jóndeý tsıklderimen baılanystyrýdy qamtamasyz etedi. Kelesi kezeń — qaǵaz túrindegi aqaý jýrnaldarynan tsıfrlyq tizilimderge kóshý, bul baqylaý sapasyn arttyryp, sheshim qabyldaý tıimdiligin joǵarylatady, — delingen habarlamada.
Kútiletin nátıje:
- jylytý maýsymyna daıyndyqty baqylaý merzimin 90 kúnge deıin qysqartý;
- jylytý maýsymyndaǵy apattylyq táýekelin 25%-ǵa tómendetý.
Sonymen qatar, aǵymdaǵy jyly stantsııalardyń shekti tarıfterin bekitýge arnalǵan ótinimderdi qabyldaý jáne qaraý boıynsha tsıfrlyq servıs tájirıbelik paıdalanýǵa engizildi.
Bul servıs qaǵaz qujat aınalymyn tolyǵymen joıady, protsestiń ashyqtyǵy men basqarylýyn arttyrady, sondaı-aq merzimder men operatsııalyq shyǵyndardy qysqartady. Qazirgi kezeńde servıs 63 sýbektini, 83 generatsııa nysanyn jáne 1 600-den astam óńdelgen qujatty qamtıdy.
Negizgi nátıjeler:
- kelisý reglamentterindegi bıznes-protsesterdiń sany eki ese qysqardy;
- ótinish berýshilerge túsetin ákimshilik júkteme 56%-ǵa azaıdy.
Sonymen qatar, mınıstrlik elektr energııasyn esepke alýdyń avtomattandyrylǵan júıelerin engizý aýqymyn keńeıtý jumysyn jalǵastyrmaq.
Eske sala keteıik, qarashadan bastap energetıka salasyndaǵy satyp alý platformasy iske qosylady.