Energııany únemdeý arqasynda Qazaqstanda jańa elektr stansysyn «salýǵa bolady»

2030 jylǵa deıingi  Qazaqstan energetıkasyn damytý baǵdarlamasyna qatysty óz pikirin bildirgen «Nazarbaev ýnıversıteti» Energetıkalyq zertteýler ortalyǵynyń dırektory Qanat Baıǵarın osyndaı pikir bildirdi.

«El úkimeti shekti tarıfterdiń arqasynda biraz qarajatty, sondaı-aq energııa kózderin únemdeýdi kózdep otyr. Sóz joq, bul da qosymsha resýrs. Biraq, ashyǵyn aıtý kerek, bizdiń qoǵamda elektr energııany únemdeý mádenıeti áli de qalyptaspaǵan. Negizi, zertteý jumystary kórsetip otyrǵandaı, únemdeýdiń arqasynda 20-30 paıyz qosymsha qýat kózderin alyp qalýǵa bolady. Bul jańa elektr stansysyn salýmen para-par», - deıdi ǵalym.