Energııany tasymaldaýshy men ony jabdyqtaýshy kompanııalardy biriktirý máselesin tyńǵylyqty zertteý kerek - A.Bekenov
ASTANA. QazAqparat - Elektr energııasyn tasymaldaýshy men ony jabdyqtaýshy kompanııalardy biriktirý máselesin tyńǵylyqty zertteý kerek. Bul týraly búgin QR Prezıdenti janyndaǵy OKQ brıfıngi barysynda QR Parlament Májilisiniń depýtaty, Ekonomıkalyq reforma jáne óńirlik damý komıtetiniń múshesi Ashat Bekenov málim etti.
Depýtat 2004 jyly jańa elektr energetıkasy týraly zań qabyldanǵanda buryn tek qana aımaqtyq elektrjelilik kompanııalar ǵana elektr energııasyn ári tasymaldaýshy, ári tutynýshylardy onymen qamtamasyz etetin kompanııa bolǵanyna toqtala kele: «Ol naryqta básekelestik ortany qurý úshin elektrmen jabdyqtaýshy kompanııalar zańdy túrde paıda bolady. Zańda ózgerister engizý arqyly osy elektr energııa kózderimen jabdyqtaıtyn kompanııalardyń kirýi osy naryqta tarıfterdiń tómendeýine ákeledi dep kútilgen. Biraq bizdiń kútkenimizdeı, olardyń ortasyna básekelestik bolmady da, olar elektr energııasymen qamtamasyz etýshi kompanııalarmen úlestes túrde jumys istep ketti», - dedi.
Onyń sózine qaraǵanda, bul turǵyda KEGOC kompanııasynda úlken jınalys ótkizilip, jıyn barysynda aımaqtyq elektrjelilik kompanııalar men elektr energııasymen jabdyqtaýshy kompanııalardy biriktirý týraly birneshe usynys aıtylǵan kórinedi.
«Qazirgi ýaqytta muny zańmen rettep, bulardy biriktirýdi bir ýaqytta júzege asyrýǵa bolmaıdy. Bul másele áli de bolsa zerdelenýi kerek. Sebebi, kóptegen elektr energııasymen jabdyqtaýshy kompanııalardyń balansynda jeliler bar. Onda kóptegen azamattar qyzmet etip jatyr, ári olardyń negizgi qarajattary, múlki bar. Ony bir ýaqytta aımaqtyq elektrjelilik kompanııalarmen qosý elektr energııasymen qamtamasyz etý naryǵyn quldyratýy múmkin. Sondyqtan da bul máseleni zerttep, tetikterin jetildirip baryp qana qosýymyz kerek», - dep atap ótti A.Bekenov.
Onyń paıymynsha, energııanyń birqatar tasymaldaýshydan ótýi baǵany qymbattatady. ıAǵnı, qazirgi ýaqytta óndirýshiden shyqqan energııa tutynýshyǵa jetkenshe eleýli qymbattap, úlken aıyrmashylyq týyndaıdy.
