Energııa jetkizýdegi úzilister álemdik ınflıatsııany kúsheıtip otyr
ASTANA. KAZINFORM — Teńiz arqyly tasymaldaý men energııa resýrstaryn saqtandyrý shyǵyndary buryn-sońdy bolmaǵan deńgeıge jetip, taýar qunynyń úshten birinen asty. Bul shıki munaı men munaı ónimderin tasymaldaýdy edáýir qıyndatyp otyr, dep habarlaıdy Kazinform agenttigi.
Bul týraly OPEK-ke múshe jáne múshe emes elder mınıstrleriniń kezdesýinde belgili boldy. Saýd Arabııasynda ótken Halyqaralyq energetıkalyq forým men Dúnıejúzilik munaı kongresi aıasynda mınıstrler energııa jetkizýdegi úzilister álemdik ekonomıkadaǵy ınflıatsııalyq qysymdy odan ári kúsheıtip otyrǵanyn málimdedi.
Mundaı joǵary shyǵyndar munaı óndirýshi elder men tutynýshylarǵa túsetin qarjylyq salmaqty arttyryp, shyǵyndardyń kóbeıýine ákeledi. Bul munaı óndirýden bastap tutynýshyǵa jetkizýge deıingi búkil tizbektegi shyǵyndardy kóbeıtip, álemdik ekonomıkalyq ósimge keri áser etedi.
Osyǵan baılanysty mınıstrler álemdik teńiz tasymalyn jaqsartý úshin qalyptasqan jaǵdaıdy baqylaýdy jalǵastyryp, úkimettermen, sala ókilderimen jáne halyqaralyq uıymdarmen birlesip jumys isteıtinin aıtty.
Sondaı-aq olar munaı naryǵyndaǵy turaqtylyqqa qol jetkizý jáne ony saqtaý maqsatynda 2026 jylǵy 7 maýsymda qabyldanǵan sheshimderdi qoldaıtynyn rastady.
Eske sala keteıik, buǵan deıin OPEK+ elderi qarashada munaı óndirisiniń qazirgi deńgeıin saqtaýǵa kelisken bolatyn.
