Energııa jetispeýshiliginen shyǵýdyń biri joly - ony únemdeý
ASTANA. Aqpannyń 16-sy. QazAqparat /Ernur Aqanbaı/ - Energııanyń jetispeýshiligi elimizdegi, ásirese ońtústik óńirlerdegi ekonomıkalyq ósimdi tejegish faktorlardyń biri bolyp otyr. Qalyptasqan jaǵdaıdan shyǵýdyń biri joly - energııany únemdeý bolyp tabylady.
Bul týraly búgin Astanadaǵy semınarda QR Qurylys jáne turǵyn úı-kommýnaldyq sharýashylyǵy isteri agenttigi Turǵyn úı saıasaty jáne turǵyn úı-kommýnaldyq sharýashylyǵy departamentiniń kommýnaldyq sharýashylyqty damytý basqarmasynyń bastyǵy Indıra Shermanova aıtty, dep habarlaıdy QazAqparat.
Onyń sózine qaraǵanda, energııanyń tapshylyǵy orta merzimdi perspektıvanyń ózinde ekonomıkalyq ósimdi tejeıtin faktorlardyń biri bolýy yqtımal. Sondyqtan da qoldanystaǵy qýat bóletin stansylardy rekonstrýktsııalaý jáne jańalaryn salý syndy mindetterge nazardy shoǵyrlandyrý qajet. Bul rette óńirlerdegi elektr energııasynyń tapshylyǵyn jabýǵa, elektr energııasynyń halyqaralyq tranzıtine jáne eksportyna, energııany únemdeýdi jáne ekologııalyq qaýipsizdikti yntalandyrýǵa, Eýrazııalyq elektr energetıkalyq rynokpen yqpaldasý úshin jaǵdaı jasaýǵa baǵdarlanǵan jón. «Ekonomıkany jáne el halqyn energııanyń barlyq túrlerimen uzaq merzim boıy turaqty qamtamasyz etý úshin elimizdiń energetıkalyq sektorynyń tıimdi jumys isteýin arttyrý qajet. Buny otyn-energetıkalyq salalardaǵy ǵylymı, ǵylymı-tehnıkalyq jáne ınnovatsııalyq qyzmettersiz júzege asyrý múmkin emes», dedi ol.
