Energııa jáne sý únemdeý tehnologııalaryn damytýǵa basymdyq berý sharttary qarastyrylady - Senat
Atalǵan zań jobasy sýmen jabdyqtaý jáne sý burý salasyndaǵy memlekettik retteý júıesin jetildirý maqsatynda ázirlengen. Sonymen qatar, qujat sýmen jabdyqtaý jáne sý burý salasyn quqyqtyq retteýdegi kollızııalardy bolǵyzbaý jáne olqylyqtardyń ornyn toltyrý bolyp tabylady.
Bul rette Sý kodeksine eldi mekenderdegi sýmen jabdyqtaý jáne sý burý salasyndaǵy qatynastardy naqtylaıtyn jańa uǵymdar engiziledi. Sý zańnamasyndaǵy sý burý jáne sýmen jabdyqtaý salasynyń quqyqtyq qatynastaryna qatysýshylar múddeleriniń balansyn qamtamasyz etý bóligindegi maqsattar naqtylanady. Budan bólek, energııa jáne sý únemdeý tehnologııalaryn damytýǵa basymdyq berý úshin sharttar qarastyrylady.
Sonymen qatar, qujat boıynsha eldi mekenderdi sýmen jabdyqtaý júıelerin uıymdastyrý máseleleri retteledi. Aýyz sýmen jabdyqtaý men kárizder, olardyń quramdas bólikterin ıesiz, qaraýsyz sanatqa jatqyzý tártibi aıqyndalyp, olar esepke alynady. Al Sý kodeksinde sýmen jabdyqtaý jáne sý burý salasyndaǵy tutynýshylardyń quqyqtary men mindetteri aıqyndalady.
Budan bólek, zań jobasynda energııa men sýdy únemdeý, aýyz sýdy tıimdi paıdalaný talaptaryn negizge ala otyryp, sýdy kommertsııalyq esepteý aspaptaryn mindetti túrde ornatýǵa qatysty naqtylaıtyn normalar engizilip otyr. ıAǵnı, aýyz sýdyń sapasyna jáne belgilengen sanıtarlyq qaǵıdalar men gıgıenalyq normatıvterge sáıkes, aýyz sýmen jabdyqtaý kózderindegi sýdyń sapasyna baqylaý júrgizýge qoıylatyn talaptar reglamentteledi.