Energııa únemdeıtin shamdar qaterli isik týdyrýy múmkin
ASTANA. 8 qańtar. QazAqparat - Energııa únemdeıtin shamdar adamnyń aǵzasy úshin qaýipti bolýy múmkin.
Amerıkandyq ǵalymdar osyndaı aldyn ala sheshimge keldi, dep jazady LiveScience .
Stoýn-Brýktaǵy Nıý-Iork shtaty ýnıversıtetiniń zertteýshileri energııa únemdeıtin jáne qarapaıym shamdardyń sáýleleri adam aǵzasyna qanshalyqty áser etetindigin salystyryp kórdi (tiri adamdar synaqqa qatysqan joq).
Nátıjesinde, energııa únemdeıtin shamdar teri jasýshalaryn zaqymdaıtyn jáne uzaq ýaqyt boıy sáýlelenýge ushyraǵanda, tipti, qaterli isikti týdyrýy múmkin ýltrakúlgin sáýlelerdi anaǵurlym kóp shyǵaratynyn anyqtady. Energııa únemdeıtin shamdardyń astynda bolǵan jasýshalar qatty zaqymdandy, bul rette, qarapaıym shamnyń áserinde bolǵan jasýshalar din aman qala berdi.
Energııa únemdeıtin shamdardy óndirýshiler zertteý nátıjesi týraly maqalaǵa jaýap berip te úlgerdi. Olardyń aıtýynsha, «shyǵarylatyn ýltrakúlgin sáýleleriniń mólsheri qalypty norma sheginde».
