Energııa únemdeýde Qazaqstanda qandaı sátti qadamdar jasaldy
ASTANA. QazAqparat - QR Investıtsııalar jáne damý birinshi vıtse-mınıstri Roman Sklıar energııany únemdeý salasynda Qazaqstanda qandaı jumystar atqarylǵanyn aıtyp berdi, dep habarlaıdy QazAqparat tilshisi.
«Qazaqstannyń ekonomıkasy damyǵan saıyn energoresýrstarǵa degen qajettilik bir mysqal da kemigen emes. Sońǵy jylda Qazaqstanda energııa únemdeýdiń negizgi sharttary jasaldy. Atap aıtqanda, salalyq zań qabyldanyp, energııa únemdeýdiń aımaqtyq keshendi josparlary, Energııa únemdeýdi damytý ınstıtýty men Memlekettik energetıkalyq reestr quryldy. BUU Damý baǵdarlamasy, ıÝNIDO, DENA, Búkilálemdik bank sekildi halyqaralyq uıymdarmen yntymaqtastyq jolǵa qoıyldy», - dedi vıtse-mınıstr Astanada energııany únemdeý jóninde ótip jatqan alǵashqy halyqaralyq forýmda.
Roman Sklıardyń aıtýyna qaraǵanda, energııa resýrstaryn tutyný boıynsha basym qajettilik elimizdegi ónerkásip salasynda baıqalady. ıAǵnı, Qazaqstandaǵy elektr energııasynyń 30 paıyzyn 65 iri ónerkásiptik kásiporyn tutynady.
«Búkil álemde ýrbanızatsııa protsesi erekshe qarqynǵa ıe. Buryn álemdegi halyqtyń 30 paıyzy ǵana qala turǵyny bolsa, qazirgi tańda 54 paıyzy qalada turady. Aldaǵy ýaqytta bul kórsetkish tek óse beretindikten, energııany tutyný mólsheri de arta túspek. Damyǵan elderde qalalar energetıkalyq resýrstardyń negizgi tutynýshylary bolyp ketti», - dedi ol.
Roman Sklıar óz sózinde energııa únemdeý týraly Qazaqstanda zań jobasy daıyndalyp jatqanyn aıtyp ótti.
