Energııa únemdeý: Jergilikti atqarýshy organdarǵa jańa quzyret berilmek
Bul týraly Májiliste tıisti zań jobasyn tanystyrý kezinde Indýstrııa jáne ınfraqurylymdyq damý vıtse-mınıstri Amanııaz Erjanov aıtty, dep habarlaıdy QazAqparat tilshisi.
«Energııa únemdeý saıasatyn iske asyrýda jergilikti atqarýshy organdar mańyzdy ról atqarady. Búginde jergilikti deńgeıde energııa únemdeý jónindegi sharalarǵa baǵyttalǵan baǵdarlamalar joq. Osyǵan baılanysty jergilikti atqarýshy organdarǵa jol kartalaryn qabyldaý jáne iske asyrý boıynsha quzyret berý usynylady», - dedi vıtse-mınıstr.
Budan bólek, energııa únemdeýdiń eleýli áleýeti bar bıýdjet sektoryn retteýdi kúsheıtý maqsatynda (ákimshilik ǵımarattardyń energııa únemdeý áleýeti 40% - ǵa deıin jetedi), kelesi quraldar usynylady:
- Memlekettik mekemelerde energııa únemdeýdi qamtamasyz etetin, sonymen birge energııa tutynatyn jabdyqtar naryǵyn qaıta qurýǵa serpin beretin Energııa tıimdi memlekettik satyp alýlardy engizý.
- Energııa tutyný normatıvterin qabyldaý, olardyń saqtalýyna monıtorıng júrgizý, benchmarkıng jáne energııa tıimdilik boıynsha tıisti usynymdardy berý.
«Sonymen qatar energııa únemdeý salasy úshin jańa memlekettik baqylaý tetigin, ıaǵnı sýbektilerge barmaı profılaktıkalyq baqylaýdy engizý, ony júrgizý tártibin aıqyndaý kózdeledi», - dedi A. Erjanov.
Budan buryn habarlanǵandaı, búgin QR Parlamenti Májilisinde «Qazaqstan Respýblıkasynyń keıbir zańnamalyq aktilerine energııa únemdeý jáne energııa tıimdiligin arttyrý máseleleri boıynsha ózgerister men tolyqtyrýlar engizý týraly» zań jobasy tanystyryldy. https://kaz.inform.kz/news/kasiporyndarda-energiya-unemdeu-boyynsha-zhauapty-adamdar-bolady-zan-zhobasy_a3765074
Qujat aıasynda iri kásiporyndarda energııa únemdeý máseleleri boıynsha jaýapty adamdardy engizý usynylady, olar energııa menedjerleriniń rólin atqarmaq.
