«Energııa únemdeý - 2020» baǵdarlamasyna 1 trln. teńgeden astam qarjy jumsaý josparlanýda - Úkimet
ASTANA. 27 tamyz. QazAqparat - Búgin Úkimet otyrysynda «Energııa únemdeý - 2020» baǵdarlamasy qabyldandy.
Atap aıtqanda baǵdarlama aıasyndaǵy sharalardyń jospary 1 182214144 myń teńge kóleminde 78 sharany qarastyrady. Respýblıkalyq bıýdjetten 145624 myń teńge, jergilikti bıýdjetten 9 830936 myń teńge, sondaı-aq bıýdjetten tys qarjy kózderinen 1 177153052 myń teńge tartylmaq.
Atap aıtqanda, baǵdarlama tıisti memlekettik organdar tarapynan, óńirlerdiń barlyq ákimdikterimen, «Samuryq Qazyna» qorymen, tirkelgen uıymdarmen kelisildi.
«Indýstrııa jáne jańa tehnologııalar mınıstrligi ókiletti organ retinde otandyq ekonomıkanyń energııa tıimdiligin arttyrý úshin barlyq qajetti talaptardy qurdy. Endi barlyq tıisti memlekettik organdar, ásirese ákimdikter men kásiporyndar energııa únemdeý saıasatyn belsendi júzegeasyrýdy bastaýy tısi», - dedi búgin Úkimet otyrysy barysynda atalǵan vedomstvonyń vıtse-mınıstri Nurlan Saýranbaev.
