Energııa tıimdiligine qatysty qabyldanǵan sharalardyń arqasynda qazaqstandyqtar 11,6 mlrd. asa qarajat únemdedi
ASTANA. QazAqparat - Ótken jyly energııa tıimdiligine qatysty qabyldanǵan sharalar tutynýshylarǵa 11,6 mlrd. asatyn qarajatty únemdeýge múmkindik berdi. Bul týraly búgin Parlament Májilisindegi Úkimet saǵatynda Tabıǵı monopolııalardy retteý agenttiginiń tóraǵasy Murat Ospanov málim etti.
«Ótken jyly energııa tıimdiligine qatysty qabyldanǵan sharalar tutynýshylarǵa 11,6 mlrd. asatyn qarajatty únemdeýge múmkindik berdi.Investıtsııalyq baǵdarlamalardy iske asyrý nátıjesinde normatıvtik shyǵyndar tómendetildi. 2006 jyldan bastap olardyń deńgeıi jartylaı qysqardy», - dedi M. Ospanov. Agenttik tóraǵasynyń málimetinshe, 2012 jylǵy qorytyndy boıynsha ınvestıtsııa somasy shamamen 209 mlrd. teńgeni qurady, 2013 jyly - 230 mlrd. teńgege jýyq boldy. Investıtsııalar kólemin arttyrýǵa árbir monopolıstiń ınvestıtsııalyq baǵdarlamalardy daıyndaý jáne iske asyrý mindetin belgileý arqyly qol jetkiziledi. Tarıfterdi bekitý úshin ınvestıtsııalyq baǵdarlama - mindetti shart bolyp tabylady. Onyń aıtýynsha, agenttik aktıvter tozýyn, normatıvtik shyǵyndardy, otynnyń úlestik shyǵysyn jáne jabdyqtyń energııa syıymdylyǵyn tómendetý sııaqty ınvestıtsııalyq baǵdarlamalar ındıkatoryn belgileıdi. Al belgilengen ındıkatorlarǵa qol jetkizilgen jaǵdaıda ǵana ınvestıtsııalyq baǵdarlamalar qabyldanady jáne oryndaldy dep sanalady.
