Energııa tapshylyǵy: Germanııada kómir elektr stantsııasy jumysyn qaıta bastaıdy

BERLIN. QazAqparat – Germanııada energııa tapshylyǵyna baılanysty kómir jáne mazýt elektr stantsııalarynyń jumysy qaıta jandanady. Degenmen, GFR bıligi klımat daǵdarysymen kúreske beıildiligin burynǵysha qýattap otyr, dep habarlaıdy QazAqparat DW-ge silteme jasap.

«Germanııanyń kómirmen jumys isteıtin alǵashqy rezervtik elektr stantsııasy jaqyn arada qaıta iske qosylady. Áńgime Gannover men Braýnshveıg arasynda ornalasqan tómengi saksondyq Hoenhamelndegi Merým (Kraftwerk Mehrum) Jylý eletr ortalyǵy týraly bolyp otyr», - dep habarlady Bonndaǵy jeliler jónindegi federaldyq agenttigi.

14 shildeden bastap Germanııada rezervtik energııa dep atalatyn kómir jáne mazýt elektr stantsııalaryn qaıtadan paıdalanýǵa berýge ruqsat etildi.

Maýsym aıynda Germanııada tabıǵı gaz negizinde elektr energııasynyń 11,2% óndirildi.

Germanııa úkimetiniń qaýlysy 2023 jyldyń sáýir aıynyń sońyna deıin qazba otynmen jumys isteıtin rezervtik elektr stantsııalarynan elektr energııasyn satýǵa ruqsat beredi. Olardyń ýaqytsha qaıta iske qosylýy elektr stantsııasynyń operatorlary úshin ekonomıkalyq qyzyǵýshylyq týdyrady. Óıtkeni qazirgi ýaqytta elektr energııasynyń kóterme baǵasy joǵary. Bul rette álemdik naryqta taskómir jetkilikti.

Foto: dw.com