Energııa-servıstik kompanııalardyń qyzmeti zań aıasynda júzege asatyn bolady - A. Raý
ASTANA. QazAqparat - Búgin Parlament Májilisiniń jalpy otyrysynda «Energııa únemdeý jáne energııa tıimdiligin arttyrý týraly» zań jobasy maquldandy.
Investıtsııalar jáne damý vıtse-mınıstri Albert Raýdyń aıtýynsha, 2012 jyly elimizde energııa únemdeý men energııa tıimdiligine qatysty jańa zań qabyldanǵan bolatyn. Sonyń nátıjesinde energııa únemdeý baǵdarlamasyn júzege asyrýǵa múmkindik týdy. «Qazirgi tańda memlekettik energetıkalyq reestr quryldy, oǵan 4 myńnan astam uıymdar enip otyr, 60 energııa-aýdıtorlyq kompanııa akkredıttelgen. Aıta keteıin, birinshi besjyldyq boıynsha ulttyq ekonomıkanyń energııa qamtymdylyǵyn 10 paıyzǵa tómendetý týraly Elbasynyń júktegen tapsyrmasy oryndaldy», - dedi A. Raý.
Alaıda, onyń sózine qaraǵanda, sonymen bir mezgilde energııa únemdeý sharalaryn qarjylandyrý baǵytynda belgili bir qıynshylyqtar oryn alýda. Osyǵan baılanysty, zań jobasy energııa-servıstik kompanııalardyń qyzmetin júzege asyrý úshin zańnamalyq negiz qalyptastyrylady.
Zań jobasy energııa tıimdiligin arttyrý tetigin odan ári jetildirý jáne óndiris sektory men energııa resýrstaryn tutyný salasynda ozyq enerııalyq tıimdi tehnologııalardy qoldaný maqsatynda ázirlengen.
