Energııa resýrstary qunynyń ósýi rýbl baǵamyn nyǵaıtty – QR Ulttyq banki

NUR-SULTAN. QazAqparat – Energııa resýrstary qunynyń ósýi rýbldiń nyǵaıýyna yqpal etti. Bul týraly QR Ulttyq banki tóraǵasynyń orynbasary Álııa Moldabekova málim etti, dep habarlaıdy QazAqparat.

«Rýbldiń nyǵaıǵany baıqalyp otyr. Reseı valıýtasy tek teńgege qatysta ǵana emes, sonymen qatar basqa da valıýtalarǵa qaraǵanda nyǵaıdy. Buǵan eki negizgi faktar yqpal etti. Birinshi faktor - ol energııa resýrstaryna baǵanyń ósýi. Reseıdiń negizgi eksporttyq taýarlaryna, ıaǵnı munaı men gazdyń quny ósti», - dedi Á. Moldabekova.

Onyń aıtýynsha, ekinshi negizgi sebep RF Ortalyq banki júrgizetin kapıtal boıynsha shekteýlerge baılanysty bolyp otyr. Bul qadamdar shetel valıýtasyna suranysty shekteıdi.

Budan buryn habarlanǵandaı, Ulttyq bank tóraǵasy bazalyq mólsherlemeni 14 paıyz deńgeıinde saqtaýǵa qatysty pikir bildirdi.

Jyldyq mánde ınflıatsııa mamyrda 14 paıyzǵa jetti.

Sonymen qatar Ǵ. Pirmatov osy jyldyń qorytyndysy boıynsha ınflıatsııany 13-15 paıyz deńgeıinde bolýy múmkin ekenin aıtty.