Energııa óndirýshi uıymdar úshin túzetilgen tarıfter qoldanysqa engizilmek
ASTANA. KAZINFORM — Elimizde energııa óndirýshi uıymdar úshin shekti tarıfter qaıta qaraldy. Energetıka mınıstrliginiń osyǵan qatysty buıryq jobasy ashyq normatıvtik-quqyqtyq aktiler portalynda jarııalandy.
— Elde turaqty energııamen jabdyqtaýdy jáne generatsııalaýshy qýattardy josparly túrde jańǵyrtýdy qamtamasyz etý maqsatynda 60 energııa óndirýshi uıym (EÓU) úshin shekti tarıfterdi qaıta qaraý júrgizildi. Sheshim jóndeý naýqandaryn ýaqtyly ótkizý, sondaı-aq jabdyqtardyń senimdiligin jańartý men ustap turý boıynsha uzaq merzimdi baǵdarlamalardy iske asyrý úshin qajetti qarjylyq jaǵdaılardy jasaýǵa baǵyttalǵan, — delingen buıryq sıpattamasynda.
Vedomstvonyń aqparatyna qaraǵanda, energııa óndirýshi uıymdar úshin túzetilgen tarıfterdi qoldanysqa engizý merzimi 2026 jylǵy 10 qyrkúıekten bastap josparlanyp otyr.
Buǵan deıin energııa óndirýshi uıymdardyń otyn úshin aıtarlyqtaı kredıtorlyq bereshegi saqtalyp otyrǵanyn jazǵan edik.
