Energııa óndirýshilerdiń qaryzy kesirinen jylytý maýsymyna otyn jetkizilmeýi múmkin

ASTANA. QazAqparat - Energııa óndirýshilerdiń qaryzy aldaǵy jylytý maýsymynda otyn jetkizýge kedergi keltiredi, dep habarlaıdy QazAqparat.

QR Energetıka mınıstri Qanat Bozymbaev energııa óndirýshilerdiń «QazTransGaz Aımaq» AO aldyndaǵy 4 467 mln teńge qaryzy baryn aıtty.

«MAEK-Qazatomprom» JShS qaryzy - 3 456 mln teńge, Oral qalasyndaǵy «Jaıyqteploenergo» AQ qaryzy - 319 mln teńge, «Almatyteplokommýnenergo» JShS  - 205 mln teńge, «Batys Paýer» JShS - 260 mln teńge, «Ýralskaıa GTES» JShS - 141 mln teńge, «Aqtóbe TETs» AQ - 86 mln teńge», - dedi mınıstr Ortalyq kommýnıkatsııalar qyzmetinde ótken baspasóz máslıhatynda.

Mınıstrdiń habarlaýynsha,  «Sevkazenergo» AQ otyn jetkizilimi úshin «Bogatyr kómir» JShS aldyndaǵy qaryzy 101 mln teńgeni quraǵan, bul aldaǵy jylytý maýsymyna qajetti otynnyń jetkizilýine kúmán týdyrady.